Sächsilüüte
viel Bluemä i de Tüte.
Die arme Rössli tüemer leid
wills ine gotts jämmerli uf d’ Ohre seicht.
Zünfter und die vile andere Geselle tüend nüd liide
wills am Abig i irne Zunfthüser top und gstopft dörfed fiire!
Se schlönd sich det iri Büch voll mit Sprit und redet mit grossä Worte
über iri Wiiber und Bundesrätli, wo mä gleitig sötti is Pfefferland versorge!
Viertel ab sächsi. Es blitzt und tätscht… Jäh bliibt der mega Chlapf hüt uus?
Musig, Reporter und alli früüred? S’ armi Volch chunt eifach nümme drus!
D’Solothurner Flüge und der Rand vum Böögegox trotzet so vor sich hii!
Oh Böög, oh Sächsilüüte, isch das Spektaktel schu verbii?
Mach endli vorwärts und flüge ab derä langä Stange;
lass üs nüd so eländ lang im blöde Räge hange!
Dä endli blitzts, nuch emal, e geils bhumm!
D’Stüggli vom Böög flüged radiwumm!
Es isch jetz sechsizwänzgnulleis!
Da druf trinked mir gära eis!
Hoffed und blanged derbii,
“Oh, Summer chumm…
ganz glii”